Home

മകനെ മകനായിക്കാണാതെ റൈറ്റർ/ഡയറക്ടർ ആയി ആദരിക്കുക മാത്രം ചെയ്താൽ മകൻ അച്ഛനെ അച്ഛനായിക്കാണാതെ ആ വ്യക്തിയിൽ അന്യാദൃശപ്രതിഭയെ തിരയും.

മലയാളികൾ മലയാളം വാക്കുകൾ തന്നെ നേരേ ചൊവ്വേ പറയുന്നില്ല, പിന്നെയാണ് extraordinary എന്നത് ഒറ്റവാക്കാണെന്നും അതു ഉച്ചരിക്കേണ്ടത് സിനിമയിൽ പറയുന്നതു പോലെ അല്ല എന്നും പറയുന്നത്.

ആരും അങ്ങനെ അഭിനയത്തിന്റെ മറുകരയൊന്നും താണ്ടിയില്ല. ഇനി വല്ലതും പറയാനാണെങ്കിൽ ആ ഇളയ ചെക്കനും മഞ്ജു പിള്ളയും നന്നായിട്ടുണ്ട്.

എന്റെ മഞ്ഞ ഷർട്ട് കണ്ടോ എന്നു ചോദിക്കുമ്പോൾ ദോശ കഴിച്ചിട്ട് പോകുന്നത് കണ്ടു എന്നു പറയുന്നത് ഞാൻ ഇടയ്ക്കിടയ്ക്ക് പറയുന്ന വാചകമാണ്. തലയിൽ ഒരു തോർത്തും കെട്ടി മുൻ വാതിലിലൂടെ പുറത്തേയ്ക്ക് പോകുന്നത് കണ്ടു എന്നാണ് എന്റെ വേർഷൻ. കൂടെ പടം കണ്ടുകൊണ്ടിരുന്ന രണ്ടു പിള്ളേരും അതുകേട്ട് ചിരിച്ചുമറിഞ്ഞു എന്നത് ആശാവഹമാണ്. പിന്നെ വേറേ ഏതോ വാചകം കേട്ടപ്പോൾ മകൾ എന്നെ ചൂണ്ടിക്കാണിച്ചു. സംഭവം ഏതാണെന്ന് മറന്നുപോയി.

2 out of 5. വീണ്ടും കാണുന്നുണ്ടെങ്കിൽ പിള്ളേരെ കൂട്ടേണ്ട. എന്തിനാ അവരെ വെറുപ്പിക്കുന്നത്?