ഡെമോക്രാറ്റിക് പാർട്ടിക്ക്

(നവംബറിൽ ഈ പോസ്റ്റുവായിച്ച് തെറ്റിപ്പോയി എന്നു പറയാൻ വേണ്ടി എഴുതിയിടുന്നത്.)

ഡെമോക്രാറ്റിക് പാർട്ടീ,

ഞങ്ങളുടെ വാറനെയുമപഹരിച്ചൂ, നിങ്ങൾ
ഞങ്ങളുടെ സർ‍വ്വസ്വമപഹരിച്ചൂ
ചുട്ടെരിച്ചൂ നിങ്ങൾ‍ ബേർണിയെ, നിങ്ങളുടെ
വോട്ടുബാങ്കാകെത്തകർത്തൂ!

നിങ്ങളുടെ കണ്ണിലെ കൃഷ്ണമണിയായവനെ,
നിങ്ങൾക്കൊരുണ്ണിയുമുടയോനുമായവനെ,
നിങ്ങളിലെയുണ്മയും ആരുയിരുമായവനെ,
നിങ്ങൾ, നിങ്ങളുടെ ബൈഡനെ തുണച്ചൂ... 

ഒരു ഞടുക്കത്തോടെ, നെഞ്ചുരുക്കത്തോടെ,
ഒടുവിലീ സത്യമറിയുന്നു:
ഒന്നൊന്നുമറിയാതെ പുക്കുന്ന ട്രംപിന്ന്
ഇനി നാലു വർഷവും ഭരണം!