സത്യം മധുരമാണ്
ദൂരെഗിരിക്കുമേലാകാശത്തില്‍
താരകം ചിമ്മുന്ന കാഴ്ചകാണാന്‍
താരിളം പൈങ്കിളിയെത്തിയില്ല;
പാരിതിലാരുമുണര്‍ന്നതില്ല.
ഏകനായിന്നുഞാന്‍ കണ്ടതാണാ-
മൂകസത്യത്തിന്‍റെ പൊന്‍‍വെളിച്ചം,
ആകുലമായൊരെന്‍ മാനസത്തില്‍
മാകന്ദമാധുര്യമായിനില്പ്പൂ!
താരകം ചിമ്മുന്ന കാഴ്ചകാണാന്‍
താരിളം പൈങ്കിളിയെത്തിയില്ല;
പാരിതിലാരുമുണര്‍ന്നതില്ല.
ഏകനായിന്നുഞാന്‍ കണ്ടതാണാ-
മൂകസത്യത്തിന്‍റെ പൊന്‍‍വെളിച്ചം,
ആകുലമായൊരെന്‍ മാനസത്തില്‍
മാകന്ദമാധുര്യമായിനില്പ്പൂ!
Labels: കവിത
Written by Santhosh Pillai
| March 01, 2006
15 Comments:
ഈ വരികളും മധുരം..
പക്ഷെ ഒരു സംശയം, അപ്പോ ഈ സത്യം എന്നു പറയുന്നത് രാത്രിയില്‍ മാത്രം കാണുന്ന ഒരു സംഭവമാണല്ലേ!
താരമേ നീ പറയുമോ
ഇന്നു ഞാന്‍ കണ്ട വെള്ളിവെളിച്ചം
സത്യമെന്നാലിതാണോ
ഏകനായെന്‍കൂട്ടിനായ്‌
വിണ്ണില്‍ നിന്നു നീ വരുമോ?
സന്തോഷേ, ഇനി താങ്കളുടെ പഴയ കവിതകള്‍ ഒരോന്നായി പോസ്റ്റ്‌ ചെയ്തു തുടങ്ങിക്കോളൂ
സസ്നേഹം
നവനീത്
ഒരു സംശയം:- താങ്കള്‍ക്ക്‌ എന്റെ അവസാനത്തെ കുറിപ്പിന്റെ അന്ത്യത്തില്‍ പോസ്റ്റ്‌ ചെയ്ത പുഴയുടെ ചിത്രം കാണാന്‍ സാധിക്കുന്നുണ്ടോ?
ഏകനായിന്നു നീ കണ്ടൊരാ
മൂകസത്യത്തിന്‍റെ പൊന്‍‍വെളിച്ചം
പാരില്‍ വേവും മാനസങ്ങള്‍ക്കൊക്കെയും
കോരിച്ചൊരിയരുതോ എന്റെ തോഴാ
ഓയെംജി (ഓ, മൈ ഗോഡ്)!
ഞാന്‍ സംശയപ്പൂച്ചികളുടെ കൂടാണോ തുറന്നുവിട്ടത്?
കുമാര്‍: നന്ദി. രാത്രിയില്‍ കാണുന്നതെല്ലാം സത്യമാവണമെന്നില്ല, കേട്ടോ:)
നവനീത്: ഒരുപാടു താരങ്ങളില്ലേ, ഏകനായിരിക്കുന്നവര്‍ വേണ്ടപോലെ വിളിച്ചാല്‍ വരുമായിരിക്കും. ശ്രമിച്ചുനോക്കൂ!
പിന്നെ, പടം കാണാന്‍ തരമായില്ല. വിലക്കപ്പെട്ട കനിയാണത്രെ.
സൂഫി: ഹ, നല്ല കാര്യം. തീര്‍ച്ചയായും ശ്രമിക്കാം. എന്നാലും നേരില്‍ കാണുന്നതല്ലേ കൂടുതല്‍ വിശ്വസനീയം?
സസ്നേഹം,
സന്തോഷ്
എന്റെ കനി മറ്റുളവര്‍ക്ക്‌ വിലക്കപെട്ടതാണെന്നു മനസ്സിലായില്ല.;) എതായാലും അതു ഫിക്സ്‌ ചെയ്തു.
നന്ദി സന്തോഷ്.
മധുരം ...!
ലളിതം..!
നന്നായിട്ടുണ്ട് കൂട്ടുകാര.
അപ്പോള്‍ ഇനിയും ഒരുപാട് റിലീസാവാനുണ്ടല്ലേ.
കാത്തിരിക്കുന്നു.
വര്‍ണമേഘങ്ങള്‍, സാക്ഷി: നന്ദിയും സന്തോഷവും (നിങ്ങളൊക്കെ വായിക്കുന്നു എന്നറിഞ്ഞതു തന്നെ!).
സസ്നേഹം,
സന്തോഷ്
നവനീത് എഴുതിയതു സന്തോഷിന്റെ പഴയ കവിതയാണോ? എങ്കിലതൊന്നു പൂര്‍ണ്ണമായി പ്രസിദ്ധീകരിക്കൂ സന്തോഷ്.
പെരിങ്ങോടരെ,
അത് നവനീതിന്‍റെ തന്നെ സൃഷ്ടിയാവണം. എന്റെ വഹയല്ല.
സസ്നേഹം,
സന്തോഷ്
സന്തോഷ്,
വാക്കുകളിലും മാധുര്യം..
സത്യത്തിന്റെ തിളക്കം
കടലിനടിത്തട്ടില്‍ നിന്നും
ഓളങ്ങള്‍ക്കിടയിലൂടെ മിന്നുന്ന തിളക്കം.
നളന്‍: നന്ദി, സുഹൃത്തേ!
സസ്നേഹം,
സന്തോഷ്
നല്ല കവിത, സന്തോഷ്.
താങ്കളുടെ വെബ്പേജിലെ കവിതകളും വായിച്ചു. മനോഹരം!
ഞാനിവിടെ മൂന്നു മണിക്കൂര്‍ ദൂരെ പോര്‍ട്ട്ലാന്‍ഡിലുണ്ടു്. വല്ലപ്പോഴും കാണാം, കവിത ചൊല്ലിയിരിക്കാം.
ലേഖനങ്ങളും വായിക്കാറുണ്ടു്. പലതിലെയും പ്രതിപാദ്യം എനിക്കു താത്പര്യമില്ലാത്തതായതുകൊണ്ടാണു് പിന്മൊഴിയെന്നും ചേര്‍ക്കാഞ്ഞതു്.
- ഉമേഷ്
good one santhosh
ഉമേഷ്: വളരെ നന്ദി. മഴയൊന്നു തോരട്ടെ, തീര്‍ച്ചയായും കാണാം! (അത്യാഗ്രഹമാണെന്നറിയാം!)
കണ്ണൂസ്: :)
സസ്നേഹം,
സന്തോഷ്
Post a Comment
<< Home