Monday, October 01, 2007

സൂക്ഷിക്കണം

അമ്മ: എടാ, അവളവിടെ ഇല്ലാത്തതല്ലേ? നീ തുണി തേയ്ക്കാനൊന്നും നില്‍ക്കണ്ട, കേട്ടോ!
മകന്‍: അവളിവിടെ ഇല്ലാത്തതും തുണി തേയ്ക്കുന്നതും തമ്മിലെന്തു ബന്ധം? അല്ലെങ്കിലും ഞാനാ എന്‍റെ തുണി തേയ്ക്കണത്...
അമ്മ: കൈതറത്തെ ദേവകീടെ മരുമോള് ന്നാളാ തുണി തേച്ചോണ്ടിരുന്നപ്പം കറണ്ടടിച്ച് ചത്തത്. വീട്ടിലാരുമില്ലാത്തപ്പം സൂക്ഷിക്കണം.

* * *

ഭാര്യ: അതേ, ഞാനില്ലാത്തപ്പഴേ ഷര്‍ട്ട് അയണ്‍ ചെയ്യാതെ ഇട്ടാല്‍ മതി, കേട്ടോ?
ഭര്‍ത്താവ്‍: പിന്നേ, ഞാനൊന്നു മിനുങ്ങി നടക്കുമ്പോള്‍ ഭ്രമിക്കുന്നോര് ഭ്രമിക്കട്ടെ!
ഭാര്യ: കഷ്ടം! അയണ്‍ ബോക്സ് ഓഫ് ചെയ്യാതെ പോയി വെറുതേ എന്തിനാ കറണ്ടു ബില്ലു കൂട്ടുന്നത് എന്നോര്‍ത്ത് പറഞ്ഞതാ.

9 പ്രതികരണങ്ങൾ:

  1. Pramod.KM

    ഭാര്യ: അതേയ് സന്തോഷേട്ടാ..ഇതേതാ പുതിയ കര്‍ച്ചീഫ്?
    സന്തോഷ്: അത് കര്‍ച്ചീഫല്ല,ഞാനിന്നലെ ഇസ്തിരി ഇട്ട ഷര്‍ട്ടാ..ഇസ്തിരിയിട്ടുകഴിഞ്ഞപ്പോളേക്കും ഇങ്ങനെയായി.
    ഭാര്യ: ഞാന്‍ നിങ്ങളോട് അന്നേ പറഞ്ഞില്ലേ ഇസ്തിരി ഇടേണ്ടെന്ന്.
    :)))

  2. സു | Su

    സൂക്ഷിച്ചാല്‍ ദുഃഖിക്കേണ്ട. :)

  3. Umesh::ഉമേഷ്

    “അമ്മയും ഭാര്യയും” എന്ന ശീര്‍ഷകമായിരുന്നു നല്ലതു് :)

    ദിവ്യേ, വേഗം മടങ്ങിവരൂ. അല്ലെങ്കില്‍ ഇതുപോലെ ഇനിയും ഒരുപാടു ഞങ്ങള്‍ കേള്‍ക്കേണ്ടി വരും.

    (ഏയ്, എനിക്കു് അസൂയ തീരെയില്ല, കേട്ടോ:))

  4. മൂര്‍ത്തി

    “എന്റെ മരുമോള്‍ ഒരു വകയാണ്. ഒറ്റ ജോലിയും ചെയ്യില്ല..പാവം എന്റെ മോന്‍..എല്ലാം അവനെക്കൊണ്ട് ചെയ്യിക്കും”
    “ മോളുടെ കല്യാണവും ഈയടുത്ത് കഴിഞ്ഞല്ലോ. അവള്‍ക്കെങ്ങിനെ?”
    “ പരമ സുഖമല്ലേ..മരുമോന്‍ അവളെ ഒരു ജോലിയും ചെയ്യാന്‍ സമ്മതിക്കത്തില്ല. അത്രക്കിഷ്ടമാ. മഹാറാണിയെപ്പോലല്ലേ കരുതുന്നത്.”

    ചുമ്മാ..:)

  5. എന്റെ ഉപാസന

    ഭായ്
    നുറുങ്ങു കഥ കൊള്ളാം
    :)
    ഉപാസന

  6. ഹരിശ്രീ

    ഹലോ ഭായ്,

    സംഭവം കൊള്ളാം ...

  7. Inji Pennu

    രണ്ട് സാധു സ്ത്രീകളെ തമ്മിലടിപ്പിക്കാനുള്ള കുത്സിത ശ്രമങ്ങളില്‍ നിന്ന് പിന്മാറുക!! :)

  8. ശ്രീ

    കൊള്ളാം.
    :)

  9. സന്തോഷ്

    പ്രമോദ്, ഉമേഷ്: ഇത് എന്‍റെ കഥയല്ല. തികച്ചും സാങ്കല്പികം മാത്രം.

    സു: അതു തന്നെ!

    മൂര്‍ത്തി: കഥ കൊള്ളാല്ലോ. എന്‍റെ കഥ പോലെ വെറും സാങ്കല്പിക കഥയായിരിക്കും, അല്ലേ?

    എന്‍റെ ഉപാസന, ഹരീശ്രീ, ശ്രീ: നന്ദി.

    ഇഞ്ചി: ഇതിലെ മകനും ഭര്‍ത്താവും ഒരാളല്ല. അമ്മയും ഭാര്യയും തമ്മില്‍ ബന്ധവുമില്ല. ഇത് വെറും കഥയാണ്, കഥ. :)