Saturday, February 14, 2009

പ്രണയദിനം

അഖണ്ഡമായ് വരുമുയര്‍ച്ചതാഴ്ചയില്‍
സുഖത്തിലും കഠിനമാതപത്തിലും
സഹിച്ചതാണു മമ രാഗഭാജനം:
സഖേ, വരൂ; പ്രണയഘോഷമാര്‍ക്കുവാന്‍!

[വൃത്തം: സുമംഗല. ലക്ഷണം: ജഭം ജരത്തൊടു സുമംഗലാഭിധം. ഇതിനുതന്നെ പഞ്ചചാമരമെന്നും പേരുണ്ടെന്നു് വൃത്തമഞ്ജരി പറയുന്നു. ഈ വൃത്തവും നമുക്കു് പരിചിതമായ പഞ്ചചാമരവും വ്യത്യസ്തങ്ങളാണു്.]

8 പ്രതികരണങ്ങൾ:

  1. പാഞ്ചാലി :: Panchali

    വാലന്റൈന്‍സ് ഡേയില്‍ വിശ്വാസമില്ലെങ്കിലും ശ്ലോകം ഇഷ്ടമായി.

  2. സു | Su

    :)

  3. ഹരിത്

    ശ്രീരാമ സേനയെ അറിയിച്ചിട്ടുണ്ട്.:)
    ശ്ലോകം പക്ഷേ കൊള്ളാം.

  4. തിരുത്തല്‍വാദി

    സഖീ വരൂ; പ്രണയഘോഷമാര്‍ക്കുവാന്‍!

    ഇപ്പൊ ശരിയായി. ഞാന്‍ ഓടി

  5. the man to walk with

    വാലന്റൈന്‍സ്‌ ഡേയില്‍ വിശ്വസിക്കുന്നു എങ്കിലും ഇഷ്ടമായി

  6. Pramod.KM

    പഞ്ചചാമരം ഇങ്ങനെയല്ലല്ലൊ?

  7. Pramod.KM

    അഖണ്ഡമായ് വരുന്നതാമുയര്‍ച്ചതാഴ്ചയില്‍,വരും
    സുഖത്തിലും കഠോരമായൊരാതപത്തിലും വരെ
    സഹിച്ചതാണു നല്ലവണ്ണമെന്റെ രാഗഭാജനം
    സഖേ,വരൂ സഖേയടുത്തു പ്രേമഘോഷമാര്‍ക്കുവാന്‍!
    -----------------
    (ഇതല്ലേ പഞ്ചചാമരന്‍?:))))

  8. സന്തോഷ്

    പ്രമോദേ, പഞ്ചചാമരം എന്ന പേരില്‍ രണ്ടു വൃത്തങ്ങള്‍ ഉണ്ടു്. സാധാരണ പഞ്ചചാമരം എന്നു് പറയുന്നതു് 16 അക്ഷരമുള്ള (പ്രമോദ് മുകളില്‍ എഴുതിയ) വൃത്തമാണു്.

    12 അക്ഷരമുള്ള സുമംഗലയേയും പഞ്ചചാമരം എന്നു വിളിക്കാറുണ്ടെന്നു് വൃത്തമഞ്ജരിയില്‍ കാണുന്നു.