മോറൽ ഹൈഗ്രൌണ്ട്

നൂറു മോന്തിടുകിലെന്തിനോ പെരുകുമുള്ളിനുള്ളിലൊരപസ്വരം
മോറു മാറി, ചെറു നീറിറുക്കിയതുപോലെ ഭാവപരിവർത്തനം
താറുചുറ്റി, വിരിമാറുകാട്ടി, പരിഹാസമേറെ തരമാക്കിയോർ
മോറലങ്ങുയരെയാണു പോൽ, "മലരു*" തുല്യരാം ലഹരിവർജ്ജകർ!

വൃത്തം: കുസുമമഞ്ജരി (രം നരം നരനരം നിരന്നു വരുമെങ്കിലോ കുസുമമഞ്ജരി)

* മലര്: ഇത് എഴുതുന്ന സമയത്ത് മലയാളത്തിൽ നിലനിന്നിരുന്ന ഒരു തെറി. (മൈരിന്റെ വകഭേദം.)

ഷെയ്ൻ വോൺ

പന്ത് സ്പിൻ ചെയ്യാൻ പഠിച്ച നാൾ മുതൽ ലെഗ് സ്പിൻ എറിയാൻ ആഗ്രഹമുണ്ടായിരുന്നു. ഷെയ്ൻ വോണിന്റെ വീഡിയോ കുറേ കണ്ടു. നടന്നില്ല. പിന്നെ എളുപ്പവഴിയിൽ ഫിംഗർ സ്പിന്നിൽ ഒതുങ്ങി. വർഷങ്ങൾ കഴിഞ്ഞ് ഗിരിയുടെ അടുത്തുനിന്ന് ടിപ്സ് ഒക്കെ എടുത്ത് അവസാനം പന്ത് തിരിഞ്ഞു തുടങ്ങി. പക്ഷേ ഒരു കൺട്രോളുമില്ല.

അപ്പോഴാണ് "ഞാൻ ലെഗ് സ്റ്റമ്പിന് അല്പം വെളിയിൽ ഏറിയും. മക്‌കലം സ്വീപ് ചെയ്യും. സ്ലോയിൽ എറിയുന്നതിനാൽ കണക്ട് ചെയ്യില്ല" എന്നൊക്കെ ലോകത്തോട് വിളിച്ചു പറഞ്ഞിട്ട് അടുത്ത ബോൾ അതുപോലെ എറിഞ്ഞ് വിക്കറ്റെടുത്ത് കാണിക്കുന്നത്.

There was no other bowler like Warne. There will be no other bowler like Warne.