ഉർവ്വശീ, ടേക്ക് ഇറ്റ് ഈസീ!

എഴുനൂറോളം സിനിമകൾ എന്നാ (വിക്കിപ്പീഡിയയിൽ) എഴുതിയേക്കുന്നേ. അത്രേം ഉണ്ടായിട്ടുണ്ടോ? എത്രയാണ് എണ്ണം അറിയാമോ? എത്ര സിനിമകളുണ്ടെന്ന്?

എന്നത് ഏത് മാനദണ്ഡം വച്ചു നോക്കിയാലും മോശം ചോദ്യമാണ്. അതിന് അപ്പോൾത്തന്നെ മറുപടിയും കിട്ടി. (Time code 6:29.)

അതുകഴിഞ്ഞിട്ട് (ആ ചോദ്യം ചോദിച്ചയാളോട് ആണെന്ന് തോന്നുന്നു, ഇനി അഥവാ അല്ലെങ്കിലും) ഇന്റർവ്യൂ കഴിയുമ്പോൾ വസ്ത്രധാരണത്തെപ്പറ്റി ഉപദേശിക്കേണ്ട കാര്യമുണ്ടോ? Time code 48:36.

"മകളു കീറാത്ത പാന്റൊന്നു മേടിക്ക, കേൾ,
തൊലി പുറത്തേയ്ക്കു കാണുന്നതശ്രീകരം!"
സിനിമയിൽക്കത്തി നിൽക്കുന്നനാൾ തന്നി, ലീ-
യറിവിതെന്തേ, നടിക്കാരുമേകീല പോൽ?

(വൃത്തം: ഉർവ്വശി, ലക്ഷണം: ന ത ത തം ഗം വരുന്നെങ്കിലാമുർവ്വശീ. ഉർവ്വശി വൃത്തത്തിലുള്ള ശ്ലോകം മുമ്പ് കണ്ടിട്ടില്ല.)

മെറ്റയ്ക്കു പറ്റിയത്

𝑊ℎ𝑒𝑛 𝑀𝑒𝑡𝑎 𝐴𝐼 (𝑚𝑎𝑑𝑒 𝑤𝑖𝑡ℎ 𝐿𝑙𝑎𝑚𝑎 3) ℎ𝑖𝑡 𝐼𝑛𝑑𝑖𝑎:

തെറ്റല്ലയോ ചെയ്തതു? ലാമ മൂപ്പു-
മുറ്റുന്നതിന്മുമ്പതു ചാറ്റിലാക്കി!
പറ്റുന്നതും സൂക്ഷ്മതയാർന്നു വേണം
മെറ്റേടെ 'ഏ ഐ' ഉപയോഗമാക്കാൻ!

(ഇന്ദ്രവജ്ര)