എനിക്കും ഒരു പദ്മ?

ബീഡിവലിക്കും പൂരുഷനെങ്ങാൻ
വിസ്കിയടിച്ചാൽ പൂച്ചെടിവാടും
ശാസ്ത്രമിതെന്നേ സ്ഥാപിതമാക്കി:
പദ്മയൊരെണ്ണം തന്നു തുലയ്ക്കൂ!

(വൃത്തം: ചമ്പകമാല)

വിളക്കില്ല കയ്യിൽ

പിളർക്കുന്നു രാജ്യം, ഹനിക്കുന്നു ധർമ്മം,
വളഞ്ഞിട്ടു കൊല്ലുന്നു വേതാളവൃന്ദം!
പൊളിച്ചും തകർത്തും തുലയ്ക്കാൻ പിറന്നോർ
തെളിക്കാൻ പറഞ്ഞാൽ വിളക്കില്ല കയ്യിൽ!

വൃത്തം: ഭുജംഗപ്രയാതം

ചിന്താവിഷ്ടയായ ഉണ്ണിയാർച്ച

മറ്റൊരു കോൺടെക്സ്റ്റിൽ എഴുതിയതാണ്. ഒരു വരി അല്പം മാറ്റിയിട്ടുണ്ട്.

നിറതിങ്കളുദിച്ചരാത്രിയിൽ-
ത്തുറതാണ്ടീട്ടഥ ചന്തുവെത്തവേ,
മുറിയിറ്റു തുറന്നുവയ്ക്കണോ
തെറിചൊല്ലീട്ടു പറഞ്ഞയയ്ക്കണോ?

വൃത്തം: വിയോഗിനി
ലക്ഷണം: വിഷമേ സസജം ഗവും സമേ സഭരം ലം ഗുരുവും വിയോഗിനി

എന്റെ നീരദക്കുളിരലകൾ

നമ്മൾ പഞ്ചസാരയ്ക്ക് പകരം സിത എന്നോ വെറുതേ ഒരു ഓളത്തിന് സൃയവസഹജം എന്നോ ഉപയോഗിക്കുമ്പോൾ ഓഹോ! പുള്ളിക്കണക്കൻ (റോയ് ഗോപാൽ) എഴുതിയ നെഞ്ചോരമല്ലേ പെണ്ണേ എന്ന പാട്ട് കേട്ട് ആഹാ എന്ന് പറയുന്നതിന് മുമ്പ് ഈ വാക്കുകളുടെ അർത്ഥം പറയൂ:

• കണ്ണാട്ടി
• കണ്ണാളി
• ആലീനം
• നീരാഴം
• നീരിത്താർ

വരികളുടെ റിവ്യൂ അല്ലാത്തതിനാൽ ഈ പ്രയോഗങ്ങൾ എന്താണെന്ന് ചോദിക്കുന്നില്ല:

• ചെന്തണലാകെയാളിപ്പടരണ്
• നീർക്കുഴൽ വാടിത്തളർന്നു
• നീരദക്കുളിരല